【Now.com】王菲女兒竇靖童被爆與內地女星宋妍霏撻着，深夜手拖手遛狗全程零掩飾，畫面甜到痺，網民直呼「呢個唔係戀情曝光，係公開放閃」。消息指二人已低調秘戀約一年，相關話題更衝上微博熱搜。
內地傳媒報道，兩人昨日 (30日) 被影到與友人聚餐後一同步出飯店，竇靖童主動伸手，宋妍霏順勢自然握上，邊走邊笑全程緊扣十指，被網民形容如偶像劇一幕。其後二人邊聊邊遛狗，即使牽狗換手亦無放開對方，網民笑稱「狗狗變咗電燈膽」。
自2024年底起，兩人多次被捕捉同框，包括北京食火鍋、機場同行但刻意分開走，以及在新加坡街頭手拖手逛街，自然互動亦表現親暱。Fans多次發現兩人「撞衫」兼疑似共用衣櫥，「同款」細節被逐一起底，加深外界對戀情揣測。
今年元旦，竇靖童曾上載鉤織公仔相，其後宋妍霏新年自拍所穿上衣印有相同圖案，被指隔空放閃，之後竇靖童刪文更顯此地無銀令傳聞添神秘感。連串「同款元素」與同步動向，被網民視為鋪排戀情公開化。
▲《她的生存之道》劇照
消息指竇靖童與宋妍霏因合作電視劇《她的生存之道》結緣，戲裡戲外互動投契，關係逐步加深。宋妍霏曾大讚竇靖童「音樂品味特別」，而竇靖童亦指對方令片場氣氛更輕鬆，互相欣賞之情溢於言表。
報道稱最新一輪「手拖手遛狗」畫面曝光後，相關關鍵字火速登上海內外社交平台熱搜榜。不少留言指「呢對氣質好夾，請原地官宣」，亦有人笑言「唔使影多次，已經當咗官宣」。有觀眾則關注王菲與竇唯女兒竇靖童今次難得高調，王菲又會點睇？
Photo /《她的生存之道》劇照、微博圖片
