【Viu】Alfred許廷鏗、何雁詩、江若琳、Manson張進翹、Beanies、林奕匡、黃妍、力臻等今日出席《新城勁爆頒獎禮 2025》HelloWin Party，何雁詩表示同許紹雄一家熟稔，所以事前知道Benz雄患病，但無奈病情急轉直下，自己都好唔捨得呢位Uncle，會永遠記住佢嘅笑容。江若琳就話雖然冇同Benz哥合作過，但對方移居新加坡後，成日幫襯生煎皇，因而變熟，大讚前輩待人友善，好唔捨得呀！
至於Alfred就話唔認得何雁詩，事關好友今日變到「鬼火咁靚」，仲分享同Jer柳應廷因乜解究會喺飲食業上合作，又立Flag話要陪即將開騷嘅Jer減肥添！
此外，Manson以大戲Look現身，除咗化咗兩個幾鐘頭粵劇妝外，仲專誠問粵劇界前輩借出有七十幾年歷史嘅戲服，向自己最愛嘅《霸王別姬》程蝶衣要角致敬。Beanies就以《Wednesday》造型現身搶Fo，兩組都值得Respect呀！想知更多就睇足本訪問啦！
