MIRROR成員Anson Kong、Stanley同Tiger今日出席ViuTV 《第十五屆全國運動會》記者會，AK喺玩遊戲時仲出大絕Head Freeze，Battle Fatboy嘅倒立同飛腳，仲谷到「紅都面晒」，笑認又大一歲Hold咗30秒後就開始見暈喇！講到生日，AK就口快快噏咗日前排團歌舞蹈時，姜濤竟然問自己想要咩禮物，不過仲未收到嘅，又大方公佈MIRROR團歌將於7周年時推出。
至於7周年慶祝活動，三子都有限度劇透，當然係同波有關，而個波幾大就視乎隻手有幾大，笑問以「大表波」做標準又點計呢？AK同Tiger就開始笑談Stanley新歌《二次覺醒》嘅半裸MV，搞到佢哋以後彈結他都有陰影，Tiger爆Seed話：「彈結他啫，又唔係擔泥！」笑爆全場！
講到MIRROR將為《MAMA》做表演嘉賓，三子直言緊張又興奮，要認真準備跳唱，雖然同女神Karina@aespa唔同場次，但AK好Firm今次一定要先專注表演，決心超強呀！此外，想知MIRROR缺席《叱咤》記者會有咩感受，大家睇足本訪問就知啦！
