【Viu】「灘叔」鄒凱光、193郭嘉駿、Thor駱振偉同Helen譚凱倫今日錄影ViuTV新節目《晚吹︰男人亂講嘢》，三位男士分別代表「30代」、「40代」同「50代」，Helen就係茶記侍應，邊做嘢邊偷聽男人心事！灘叔、193同Thor直言節目尺度超越《男人講嘢》同《戀講嘢》，錄影個半鐘得幾分鐘出得街，好似中藥十碗水煲埋一碗咁！灘叔同Thor仲不斷吹捧33，勁讚佢靚仔，做乜都得；33即搞笑話自己係偶像唔使屙屎㗎！期間灘叔封Thor做「離婚KOL」，可以喺節目分享，Thor亦坦承曾經因此諗過唔接呢個節目，仲笑言今次正好向3爺請教兩性相處之道！
講到節目好啱請ERROR做嘉賓，33就話要等呢個節目變長壽節目先會請隊友上嚟，仲笑談Dee哥變負資產一事，「賜封」隊友做「負家產」，最好做埋「破產KOL」，就可以上節目分享，好mean呀！
此外，對於網友熱捧上位韓星李彩玟同佢撞樣，3爺就暢談進軍韓國大計，仲公開多謝Mr. Kam，想笑餐飽就睇足本訪問啦！
