【Viu】ViuTV原創劇《翻盤下半場》目前熱播中，除咗黃浩然、周家怡同George嘅「仇家」火花十足外，其他支線都好鬼吸引㗎！其中「阿妹」岑樂怡、Shirley沈殷怡同「Kathy仔」王頌茵分別同「仇家」有私人恩怨，Shirley仲要主動咀「兒時偶像」黃浩然，難怪佢講到紅都面晒咁啦！唔講唔知，原來阿妹同Kathy仔細細個已經畀黃浩然嘅美色吸引，三個女人連品味都咁一致，點會嘈唔過「一個墟」呀！
至於Kathy仔喺劇中就同George譜出姊弟戀，仲自爆現實中曾經畀「年下男」呃過，嘩，咁True得唔得㗎？而阿妹就大呻角色造型夠晒破格，條熱褲仔直頭係挑戰緊從影以嚟嘅尺度咁話！
講到「翻盤」呢個Concept，三位靚女又有咩悔不當初嘅決定呢？想知就睇訪問啦！
