【Viu】ANSONBEAN繼3個多月前投下「震撼彈」刪IG表示因精神狀態暫退娛樂圈後，今日佢現身時裝展活動再「投彈」，無預警宣布同Jaime@Beanies已分手一段時間，結束年半姊弟戀！
具體分手原因，ANSONBEAN指喺相處上，感覺做返朋友比做情侶更舒服，而分手呢個決定都係二人坐低傾出嚟，再見亦是朋友，見到面唔會尷尬，仲話遲吓主演電影《觸電》首映禮都會邀請對方！ANSONBEAN走出情傷未？有冇喺夜晚偷偷流淚？
工作上，ANSONBEAN透露已拍完電影《我們不是什麼》，終於可以做返gym啦！唔知佢有冇掛住「另一半」AK？拖AK隻手嘅觸感如何？佢又搞笑話分手與AK無關！講到細佬Ian Hannz參加《造星VI》，佢話冇特別畀comment，因為覺得細佬有清晰嘅表演方向！
同場嘅查小欣早前因心絞痛緊急入ICU，呢日見佢精神不錯，受訪澄清隻手只係插滿針，並唔係報道所寫嘅插滿喉，叫大家唔使太擔心，笑指留院兩日令老公「一頸血」！佢更有還原返當時嘅情況，再報平安指依家身體ok，係醫生話心臟血管有啲「阻滯」，現階段先食藥舒緩！
之後講到佢之前訪問羅家英有好大迴響，查小欣搞笑形容家英哥「劏咗條龍躉」畀佢，又話事後有同汪明荃、家英哥食飯，大家嘻嘻哈哈無受訪問影響友情！
七仙羽師傅呢期是非纏身，笑言一早就算到自己有呢個劫，是非更旺佢生意大增添！聲稱依家零官司嘅七師傅，直言早前YouTuber「伍仔」狙擊佢係有人喺背後指示，對伍仔有條聲疑似係七師傅話可以操控傳媒，七師傅又點回應？另一邊廂，七師傅指希望同徒弟郭奕芯化解誤會，再三強調冇收過30萬！講講吓，七師傅自tag好耐冇同老公阿龍行埋，甚至更年期都嚟緊，究竟發生咩事？
另外，今日50歲正日生日嘅陳曉東，開心話前日參加完生日會宣布開紅館騷！佢笑言服裝team計劃幫佢件衫嘅腹部位置開窿，陳曉東又接唔接受到？佢又透露rundown會加入新歌，有信心可以唱足2至3個鐘！至於對早前嘅「GD爭議」，陳曉東則以六字回應！想知就睇足本訪問啦！
