【Viu】Edan@MIRROR今日「逃學」出event，抵死笑言金毛look仲未被記過！再講到騷後淨係同小如豬「兩姊妹」煲劇，見佢平時咁多拍reels嘅idea，佢話都有諗過拍片嘅，講講吓大爆193、肥仔嚟緊開綜藝想搵小如豬做女主持，Edan有咩意見？一秒落閘定會開綠燈？
跟住Edan又提議可以搵埋阿正，同小如豬開個「三姊妹」嘅戀綜，公器私用幫小如豬搵男朋友，完美做把關崗位！如果做Edan嘅妹夫要具備咩條件？阿正話介紹中醫細佬畀小如豬識，Edan提議跳step見家長食飯？越爆越多嘅兒登仲講埋有算命師算出小如豬2028年會有姻緣，講真，小如豬畀唔畀你講咁多㗎？
講到小如豬任亞博騷嘉賓後嘅爭議，Edan指妹妹做足心理準備面對comments，更稱小如豬嘅心臟比佢更大，而佢man爆留言護妹，笑言係活用吓道符啫！至於緋聞女友林明禎被野生捕獲同E媽坐，Edan則回應開騷咁大件事，都想邀請對方嚟見證，咁明禎又係唔係第一次見E媽？遲吓會唔會走tour？或者出演唱會碟？
對《IGNITED》數手指之謎，Edan屬於跳錯嗰group定跳啱嗰group？佢仲篤爆兩位兄弟跳錯添，究竟係邊個？阿正公開譴責Edan未去過佢間cafe，Edan語出驚人爆等結業先去，今次兒登點兜好？
同場仲有靚靚Marf@COLLAR，佢搞笑話完騷腦筋斷咗幾條，躺平咗兩日recover，又暗示之後可能會出演唱會碟！男友Locker畀咗咩comment？葵廣團成行未？另外，領粉最關心嘅係新歌《Riding High》會唔會出dance version，Marf當然有答到啦！想知就去片啦！
