【Viu】Lokman、AK、Alton同Frankie今日出席小組團綜《夜粥先生幾多點》記者會，即席舉行拗手瓜大賽，又派應援扇畀Fans，場面熱鬧！AK笑言要為「FING小組」賜名「夜粥小組」道歉，搞到大家日日開夜，仲話「夜粥小組」會喺節目出道，同時解散，真係「蘇芬妮」呀！講到早前同老友蕭子墨喺韓國頒獎禮表演，AK直言係成就解鎖，一圓佢哋10年前喺韓國做練習生嘅夢想，又爆笑話阿媽最懷念當中手臂零紋身嘅自己！
至於Alton憑《社畜再培訓計劃》獲頒「最耀眼男演員」獎，佢就話完晒兩日《MIRO見面祭》先有時間感受喜悅，希望有時間請劇組食牛雜慶功。講到見面祭，Frankie即親解「五餅二魚」派糖秘技；接力同Ian合體搞見面祭嘅AK，亦已經「超前部署」點樣應對高冷嘅Ian，笑Cry呀！
此外，講到監製王雙駿喺社交網站集氣開《W.T.F. Live 2025》Part 2，Lokman就希望大家齊齊活用吸引力法則，同埋一日唸三次「Lokman禱文」就會成事；Alton仲話已經「出招」向公司公開爭取，想知就睇足本訪問啦！
