【Viu】林家謙紅館騷眨吓眼嚟到第9場,嘉賓係家謙女神張栢芝,大癲呀!張栢芝近年主力喺內地發展,多年來都冇喺香港公開露面同演唱,今晚佢同家謙拖手出場合唱《任何天氣》,係回憶殺呀!唱完後家謙即自肥攞出人生買嘅第一張唱片俾女神簽名,仲透露:「呢隻碟嘅《不一樣的我》係我當年成日參加比賽㗎,仲未轉聲,所以我係唱緊你個Key。」然後又怕醜問女神:「你幾時有新歌?」
久違嘅栢芝依然咁靚,但就自稱超緊張:「我緊張到聲都沙!」佢又指家謙擁有好乖光環,但家謙即反駁:「呢個唔係我嚟!」笑C!之後二人再合唱《留給最愛的說話》,OMG!仲唔嗱嗱聲入嚟Loop爆現場實況片!
