【Viu】林峯 x 鄧麗欣 x 張繼聰超額完成拉闊騷，帶病上陣嘅阿峯感謝Stephy、阿聰嘅精神上支持，兼畀tips佢「急救」，又笑言「常在心」鍾嘉欣私傳咗一招畀佢護聲，究竟work唔work？
阿聰就讚阿峯即使只「露半臂」都係專業嘅！講到佢喺唱《用背脊唱情歌》嗰陣追加「令山轉」，背後原因竟然只係因為mood到？佢重提啱啱有首歌入唔切，內心即時飄出一隻字，大家估吓係邊隻字！mood到嘅仲有阿峯帶領Stephy、阿聰落台親近fans，搞到全場勁high！
講到跳舞部份，阿聰沾沾話成件事簡直係超越年紀，喺綵排嗰陣超有信心，攞正牌喪扭，只係啲走位要dancer幫手提一提，感覺似去咗護老院咁，SLDPK！佢指其中一part舞更練足2個月，尾龍骨險斷兼要吸氧氣，唔知佢有冇請教Kakaball？而Stephy又爆阿聰係咁向台下拋媚眼，邊位fans咁幸福？
阿峯呢次帶埋「十二少」胡子彤上台，笑言對方係運動員，胸肌有返咁上下勁！嚟緊Stephy就去澳門開騷，佢冧話男朋友係必須跟住佢，今晚交低咗個mission畀對方就係照顧媽咪同埋拍靚片，Stephy聽到男友一一做到都勁滿意呀！即刻去片睇足本訪問啦！
