【Viu】郭富城今日以大使身份出席發佈會，見證Now United首位香港成員誕生，幸運兒正正係《全民造星IV》遺珠Ariel曾家瑩，城城仲同一班年輕人齊齊跳《狂野之城》，盡展「舞台王者」風範！城城直言見到Now United就諗起當年由舞蹈員被選中成為歌手嘅經歷，相當感動，又大讚Ariel外形同實力兼備，仲話有意開學校教跳舞，不分年紀都可以報讀！正喎！
城城表示「大寶」同「二寶」都鍾意唱歌跳舞，亦有參加歌唱比賽，所以如果將來兩個女話要參加選秀節目，或者加入女團，自己一定支持，果然係廿四孝嗲哋呀！至於日前喺謝票場同Fans「講追星經」，城城澄清並非指摘，只係希望少數Fans唔好嘅過激行為，亦唔係針對早前篤親佢隻眼嘅Fans，希望教育少數人要理性追星。
此外，Ariel對於被選中入團喜出望外，得悉消息時仲即刻向《造星IV》導師Dee哥報喜，多謝對方喺比賽期間提供好多專業意見！Ariel又話城城嘅評語令自己獲益良多，希望有機會做前輩嘅MV女主角，城城亦一口答應，Fat Fat啦！
