【Viu】羅家英、汪明荃今日現身「福陞粵劇團 2025劇目精選」記招，宣布主演嘅兩套劇目《戰宛城》、《大鼻子情聖》將喺11月頭、連續6晚喺戲曲中心大劇院演出！
適逢阿姐聽日（28日）生日，家英哥代影迷送上一紮鮮花祝賀，更加碼大講愛的宣言，冧到阿姐喺記招後同家英哥合擺心心pose放閃！家英哥自爆有再準備禮物畀阿姐，不過就係秘密啦！定佢會好似《大鼻子情聖》入面個角色咁送情書？阿姐又喺台上大讚家英哥重編劇本做得好好，問到佢覺得家英哥私下係咪同劇中一樣都係情聖？點知阿姐神回一句勁爆笑！
講到另一套劇目《戰宛城》，演曹操嘅家英哥話想挑戰長鬚造型揈水髮，respect！阿姐透露正排練緊一場沖涼色誘家英哥嘅戲份，但就唔係着三點式嘅，而係走既抽象又含蓄路線嘅！家英哥又爆平時係佢色誘阿姐居多，唔知佢有咩招式？阿姐又buy唔buy？
另外，講到家英哥擔任「砵砵」Edan嘅亞博騷嘉賓，佢話已經係就住、錫住嚟玩㗎啦，估唔到兒登都會覺得招架不住！至於問到阿姐又會唔會做林家謙嘅紅館騷嘉賓？阿姐大方預告！想知就快啲去睇足本訪問片啦！
