【Viu】黃浩然、周家怡同George歐鎮灝喺ViuTV原創劇《翻盤下半場》中，飾演「仇氏一家」，點知兩父子先後破產，但到「仇家」變「愁家」呀！浩然同家怡對於「阿仔」George有讚冇彈；George就直認細細個睇兩位前輩嘅劇集長大，所以好想試吓浩然摑添呀！根據「星之子」嘅「大台理論」，家庭倫理劇少不免有BBQ場口，估唔到《翻》劇都有，三位諗起都笑到癲晒，大家係咪好期待呢？
其實浩然同家怡喺舊公司都合作過幾次，家怡仲直認以前好怕浩然，皆因聽聞對方好麻煩，後來因為擁有宗教而熟絡，先至完全改觀咋！浩然亦直認以前好執著，所以當初旦哥邀請自己演音樂劇《三八》時都話聽過負面傳聞，依家已經好識轉念啦！
既然劇集以「翻盤」做主題，人生經驗豐富嘅浩然同家怡當然有往事想翻盤；George就因為劇集影響而兩加孝順父母，仲感慨談及P1X3L嘅前途問題！想知就睇訪問啦！
