【Viu】樂隊ROVER、曾樂彤同徐浩今日為音樂節表演，適逢希晉@ROVER今日26歲生日，大會驚喜送上蛋糕祝賀，Kim、亨仔同Jason亦聯同全場合唱生日歌賀壽，超溫馨呀！希晉好開心可以生日正日開工，事關咁大個仔未試過有咁多人同自己慶祝，仲爆ROVER兄弟喺化妝時「係咁意」送咗個小蛋糕畀自己，Kim仲搞Gag話收工後會「夾錢」請希晉食飯添！
講到生日願望，希晉就話想操大隻啲，仲開心share埋呢個願望畀Jason，當Jason還原日前食米線「被埋單」嘅趣事時，Kim同希晉仲輪住「誅」佢，笑爆全場！至於亨仔日前出席新劇記者會時話想同Kim演BL，隊長表明鄭重拒絕，亨仔即轉軚邀請兩位撞樣朋友，係咪好想知呢？
此外，徐浩同曾樂彤公佈婚訊後首度同場，互讚被對方嘅台上表演迷倒，曾樂彤仲自爆畀未婚夫「狂做」，想睇兩位瘋狂放閃就睇足本訪問啦！
