【Viu】黃秋生、梁祖堯、肥仔@ERROR、Dee湯駿業、Sica何洛瑤、邵美君今日現身風車草黑心喜劇《Di-Dar 音樂劇場》(Comeback)進行總綵排。演出經驗豐富嘅秋生哥首挑戰歌舞劇，謙稱勁緊張，仲話曾試過一句歌詞背咗三星期，極忟憎！
秋生哥又稱同肥仔Friend咗，成個人Young晒變身黃三歲，仲做埋隊中軍醫幫大家捽腳兼按摩。酬勞就係阿祖親煮美味龍躉飯，仲添咗8次飯呀！肥仔又話ERROR三兄弟激罕同場撐佢，但即俾秋生哥笑孤寒兼疏離，前輩仲幫佢頸上嘅拔罐痕改名「屍斑」，笑C！
阿祖對於重演劇目需重新編歌舞感辛苦，更笑稱差啲猝死。而身兼監製嘅阿Dee就話多得肥仔雖然出一份糧，有時會做埋大家嘅編舞老師。阿君就忙於接秋生哥嘅爆肚對白。想感受吓佢哋有幾開心？入嚟睇訪問片啦！
