【Viu】張敬軒繼上次澳門濕身騷後，今日出時裝品牌活動再騷手臂，莫非軒公騷上癮？佢即笑言操肌同時都要操返順條氣，並自嘲可能近得Tyson多，又唔鍾意着衫又鍾意鬧人！
軒公所講嘅係由凌晨到今朝時段喺threads度同fans駁火，佢指間唔時都會咁樣教仔、教女，而「起火」原因係因為菠蘿包？軒公又話令佢撻着條「火藥引」係有女fans講粗口，唔知軒公除咗開唱歌班之外，會唔會考慮開禮儀班？
講到開班教唱歌，軒公透露已經有藝人朋友報名上堂，當中有冇洪嘉豪份？佢又點睇之前幫Kaho報讀外國課程，但Kaho自爆攞唔到cert呢件事？
講到興起，軒公自爆陷男人中年危機，想改善雙下巴之餘，仲想令Jawline更明顯，所以買咗嚿膠返嚟咬，點知物極必反，變咗國字臉！最後軒公點補救？下一步係咪想將胸肌操到好似Tyson對「椰皇」咁大？另外，Kenny關智斌宣布開啟德騷，軒公又有冇跟隊入紙？想笑到gap gap聲就睇足本訪問啦！
