【Viu】「模特賢」Ian、「模特縉」Stanley今日孖住上現身時裝活動，一早開工都超醒神、零水腫，破咗「水腫之子」Ian嘅稱號！兩位鏡仔臨離開前專登行埋去同Hellosss、TeamStanley互動兼自拍，超寵粉呀！
上月中完成世巡嘅Ian，最後一站澳門場喺掛十號波前順利舉行，佢話好感恩，當晚都擔心Hellosss返屋企安唔安全，又指同愛犬雞髀開live係意猶未盡！另一「天氣之子」Stanley日前喺黑雨中開工，佢笑言完全理解打工仔心態！最近搬屋又搬健身室，財力好雄厚咁喎，莫非已賺大錢？
第四回MIRO見面祭已公布，就係Ianson啦！Ian話好期待同Hellosss見面，咁係咪同樣期待同AK拍住上？Ian有冇諗定點同Hellosss互動？點應對Hellosss嘅愛的告白？可唔可以十指緊扣？講多無謂，Stanley即場扮Hellosss同Ian嚟個預演，睇完真係笑死無命賠！
另外，二子透露已拍完團綜，Stanley話依家同Tiger係生死之交，究竟發生了甚麼事？提及柯煒林患癌一事，「細佬」Ian表示給予空間；而對於公司人事變動，佢哋謂都好唔捨得魯生，事前已經知道，現階段只做好自己嘅本份！快啲去睇足本訪問啦！
