【Viu】影后Michelle衛詩雅同新晉女團SMORZ今日出席美容活動，向來大方派心嘅詩雅，面對平均年齡20頭嘅SMORZ秒變「阿尷」，又笑言生得佢哋出，唔敢再派心，大呻原來派心有年齡限制，場面爆笑！
阿Mi又分享最近遇到嘅「年齡打擊」，事關中學同學嘅大仔已經24歲，個孫都準備出世，將以40歲之齡榮升爺爺，好彩自己由細到大都冇憧憬做媽媽，反而一直想努力賺錢請工人姐姐，識諗喎！最近因為仆親慘成「傷膝少婦」嘅阿Mi，大呻每日沖涼仲痛過洗傷口，仲話美腿一定會留疤，醫生老公仲用受傷做藉口「逃避」阿Mi美食，呢啲咪識玩囉！
阿Mi又預告年底會再拍戲，仲趁機澄清自己天價接Job嘅傳聞，原來影后連Job都識自己傾，咁全能得唔得㗎？
此外，喺韓國出道嘅女團SMORZ，大讚詩雅Keep得好，可以同影后碰面好開心，仲Share埋發展大計！想知就睇足本訪問啦！
