【Viu】新婚嘅「程生程太」Tyson Yoshi同Christy今日首度以夫妻檔出席活動，錫錫同晒婚戒放閃當然係常識，Tyson仲公開話想生「Made in Italy」嘅孖胎，連名都諗埋叫「Pizza」同「Spaghetti」，嚇到Christy滴晒汗呀！回顧意大利婚禮，Tyson自爆一見到Christy行落樓梯就爆喊，好彩老婆嘅婚紗突然Kick住，自己先破涕為笑，程氏夫婦仲大爆軒公嘅貼心舉動，十足十管家x Wedding Planner咁照顧周到，對呢位「阿哥」嘅恩情簡直無以為報呀！
講到婚禮鬧出「化妝師風波」，Tyson就妙用「小學雞鬧交」嚟比喻，仲話完美如軒公都要喺社交網站畀人鬧，有人鬧咪證明「生意好」咁話，所以嬲嬲哋又買咗架新車喇！Tyson又趁機幫老婆澄清N年前被炮轟性感現身「主人房」一事，Christy都讚老公不嬲好Man，但就反勸佢一樣嘢噃，想知就睇足本訪問啦！
