【Viu】動作演員Ken羅浩銘今日為處男小說《超人852》喺書展舉行發佈會，「黑哥」姜皓文、「DJ女神」樂宜、翟威廉、徐偉棟等現身撐老Best。
翟威廉曾爆有海量性伴侶，佢受訪時坦言生活方依舊沒變，對於「南京紅姐」傳誘騙1691名男士發生關係兼拍片放上網，威廉表示事件對佢都算係警示，佢覺得咁多人中招係佢哋選擇，可能缺乏性資源，又稱自己從不網上識人，交友要行出嚟識實體嘅，避免陷入桃色陷阱！至於佢自己就算有陷入過桃色陷阱都唔會公開咁話！
樂宜日前任網上節目嘉賓，大爆曾擁5個英文字內嘅「樂壇男神」性伴侶，惜對方靚仔但床事不濟。佢今日稱已忘記「對手」係邊個，又話「以前玩過晒」，依家乖咗只專心同一男子拍拖。講到涉嫌被蔚雨芯詐騙投資共580萬入股旗下醫學美容中心案件，樂宜透露廉署有聯絡佢10月16號上庭任證人，佢話到時正式答辯就知公道何在！
另外黑哥專程嚟幫Ken師傅嘅新書叫賣，佢就謙稱冇文采唔識字，經濟差贊成對方擴闊眼界。Ken又自稱經濟困難，消費減到近乎零，黑哥更話日食1餐。想知更多？仲唔入嚟睇訪問片！
