【Now.com】「萬人迷」碧咸（David Beckham）一向以俊朗外型與時尚髮型著稱，但近日他「出咗事」，在家中自己剃頭時「滑鐵盧」，意外在頭頂留下一片光禿禿。不過碧咸亦毫不介公諸同好，分享他的瘀事！
這個昔日綠茵場上的英國傳奇球星，星期日在IG上傳一段影片，分享他嘗試自己剃頭時出事的經過。片中碧咸好似小朋友咁，用手遮蓋他的頭頂，妻子Victoria就在鏡頭外，好似阿媽訓話咁問碧咸：「你到底做咗咩？」
碧咸無奈地鬆開手展示他的最新髮型，Victoria唔知好嬲定好笑，碧咸一臉委屈地回應：「呢個唔好笑，剪髮器剃咗頭啦！」Victoria一邊爆笑一邊好mean講：「真係出晒事，我必須對你坦白，真係好肉酸，好難睇！」她更笑言，段剃髮失敗影片「可以令小朋友笑幾個鐘」。
碧咸在貼文中自嘲表示，「係噚日自己剃頭時發生嘅災難，正如你哋聽到，我老婆一啲都唔覺得好笑。」他還提及他的Netflix紀錄片，片中碧咸曾打斷正接受訪問的Victoria，要求她「誠實」。「但關於我嘅髮型，你唔使咁誠實！」
今年50歲、一向造型時尚的碧咸，今次剪髮災難，雖然可能傷及他的形象，但贏得不少網民會心微笑，展現出這位球壇名宿幽默親民的一面。
Photo / IG@davidbeckham
