【Viu】Ian@MIRROR歷時一年嘅「淚之旅程」巡唱《IAN CHAN "TEARS" IN MY SIGHT SOLO CONCERT TOUR 2025》，眨吓眼就嚟到最終站—澳門，實行唱爆銀河綜藝館呀！
雖然陳仔事前話澳門站個setting會盡量還原香港場，但波波池、鯨魚台、淚之盒仍然被「封印」！不過陳仔都準備咗個特別驚喜畀Hellosss，就係新look同新嘅encore樹熊衫啦！
encore前，一眾超醒目嘅Hellosss率先走到台邊，望與男神Ian有近距離嘅眼神互動！着住新樹熊衫嘅Ian high爆登場，向台下Hellosss放題式派心、揮手兼飛吻，全程勁風騷！全場大合唱《抱抱無尾熊》，極震撼！
隨後Ian喺credit環節特別感謝音樂總監「細榮」莊少榮，當然唔少得在座嘅Hellosss啦，風雨不改嚟支持佢！之後陳三歲喺唱《正式開始》嗰陣，仲貪得意戴咗頂樹熊帽，立即cute爆，得咗！
出名寵粉嘅Ian又點會就咁就end咗澳門站頭場呀？返咗入後台冇幾耐，換咗套短褲look再出返嚟二度encore，令全場Hellosss不知幾咁興奮！陳仔搞爛gag笑話因為出面落雨，着短褲就啱晒，兼乘機show對「飛毛腿」出嚟！跟住佢就開放點歌環節，除咗應Hellosss 要求首唱新歌《樹會流眼淚》之外，更清唱埋《以孤獨命名》、同埋再唱多次《DWBF》！其中喺唱《以孤獨命名》前，Ian搞笑反叫Hellosss提水，感覺似玩大電視，超爆笑！即刻去睇實況片！
