【Viu】薛家燕今日帶同4歲孫仔Julian現身書展活動，除咗大派飛吻外，仲齊齊跳十字步，萌爆全場！Julian同嫲嫲孖住做訪問放笑彈，自誇跳十字步叻過Captain Nancy，又讚嫲嫲係全世界最靚嘅人，家燕姐即大晒Julian嘅畫作，力證自己係孫仔最愛嘅人，又趁機向新抱催生，笑爆全場！
講到資深演員雪妮同老公唐佳、周驄相繼離世，家燕姐坦言唔捨得，自己亦夜不成眠，有時同朋友傾電話都喊到講不出聲，但自己亦同馮寶寶一樣，冇諗過佳哥有呢個選擇，惟有祝福兩位喺另一個世界繼續恩愛同開心。
另外，不幸患上漸凍人症嘅吳博君噚日亦流出病逝消息，家燕姐表示吳博君已患病多年，難以根治，離開或者都係一種解脫，自己亦已經安慰咗吳太。
