【Viu】Anson Kong、ANSONBEAN、譚耀文、駱振偉、麥沛東等今日為邱禮濤新片《我們不是什麼》進行開鏡拜神，「雙Anson」首次合作已經雞啄唔斷，而且戴「情侶戒」現身，莫非傳說中嘅BL情節屬實？佢哋就答得好巧妙喇！不過，兩位Anson一個要為角色剪髮兼留鬚；一個就要減磅兼留長髮，AK仲為接收唔到Bean Bean嘅「比達胸」感可惜！
講到噚晚喺音樂會同Eason集郵，原來AK早有預謀，仲越講越興奮，完全浸沉喺「Eason見面祭」之中，但最可惜係冇得同另一偶像謝霆鋒合照。
至於早前宣佈暫別娛樂圈嘅ANSONBEAN，直言已經諗通晒，100%準備好復工，目前主力拍好呢齣戲，之後先再準備出歌計劃，亦預告會重啟IG，並再三向擔心自己嘅人致歉，加油呀！
此外，邱導親解差啲同AK及ANSONBEAN錯失合作機會，以及何謂「BL」；譚哥仲自爆有抑鬱症，想知咩事就睇足本訪問啦！
