【2025年6月28日】「巨龍與豬仔」Stanley同Jeremy今日合體出席活動，仲分別向小儀「求婚」，第一次咁就畀咗小儀喇！受訪時「巨豬」鬥嘴「無限回合」，仲嬲豬話要拆伙，講到Remy喺台上背錯乘數表「3x7=24」，佢自認對數字唔敏感，連日期都成日噏錯，Unicorns都以「駿曆」嚟形容！
至於啱啱旅行返港嘅Stanley，就預告目前正增肥再操大隻啲，誓要變「真人版比達」，又爆Jeremy最近為咗個唱密密做Gym，但唔覺有咩效果；豬仔即刻反駁話自己瘦2、3kg，令巨龍表情管理失敗，真心Friend先可以咁Mean囉！
講到日前《呂濤米Lo Seoul》見面會發生嘅風波，Jeremy就用第一身角度講返姜濤同AL嘅情況；Stanley都有Send暖心短訊慰問姜濤，想知就睇足本訪問啦！
