【Viu】Gigi梁詠琪今日出席防癌活動，仲用甜美聲線聲演故事書畀一班小朋友聽，So Sweet！Gigi透露雖然10歲囡囡Sofia依家冇咁鍾意聽故事，但兩母女每晚都會Pillow Talk傾心事，仲爆囡囡依家步入咗唔同男仔玩嘅年齡，認真搞笑！
Gigi又透露奶奶喺疫情期間不幸患上乳癌，加上當時封關，老公同自己份外擔心，惟有每日Video Call關心慰問，好彩依家已經好返，而暑假亦會一家三口返西班牙探親。
講到郭富城喺《無名指》優先謝票場報喜，第三度做嗲哋，有份演出嘅Gigi早已送上恭喜，大讚城城有心有力，自己就冇心冇力再生多個喇！
此外，Gigi又分享早排同老公去新加坡睇Lady Gaga演唱會嘅感受，想知就睇足本訪問啦！
