【Viu】數數手指，JACE陳凱詠話咁快就做咗一年「陳老闆」，走上獨立歌手之路、自設工作室都真係唔易㗎，佢話到呢個moment，內心都會有糾結同衝撞，因為「老闆」同「藝人」實在係兩個極端！而呢次搵JACE上嚟就係要同佢做個「大事回顧」，睇吓佢呢一年發生過咩大事！
當然！梗係要宣傳新歌《SWITCH》啦！繼續係圍繞「蛇」呢個主題，究竟JACE同蛇之間嘅關係有幾密不可分？嚟緊大碟、紅館騷都會係同一個theme？可唔可以劇透少少先？講開新歌，MV未出街先引嚟熱論，事緣意外流出收工時間「3730」，故JACE被指壓榨員工，拍足37個鐘MV！呢件事嘅來龍去脈係點㗎先？
JACE去年中擔任好友YT大哥嘅個唱嘉賓，期間失足被YT大哥秒抱入懷，呢件事一夜爆紅，「劇情」之後仲被n次翻炒！最新鮮滾熱辣就係跌入洪嘉豪嘅臂彎，究竟JACE會揀YT大哥、抑或Kaho？佢同YT大哥嘅所有互動都充滿粉紅泡泡，有冇機會發展成情侶？
至於講到另一位男子：陳爸，JACE爆笑呼籲大家唔好再誇讚Daddy，免得Daddy真係舉手話要做演員！但陳爸高大靚仔又幽默，有佢呢個「藍本」，JACE會唔會好難搵另一半？另外，JACE成自由身後即橫掃多個頒獎禮嘅女歌手獎，佢消化好未？最後亦係最重要嘅！就係紅館騷籌備成點？想知就真係要睇片啦，唔怕話埋畀你哋聽，條片保證內容量MAX！
