【2025年6月17日】「Mark哥」鄭浩南、譚耀文、Locker林家熙、「細貓」應智越、「Ben哥」袁富華同姚樂怡今晚出席新片《拼命三郎》首映禮，日前宣佈三度做嗲哋嘅郭富城專誠嚟撐譚哥場。
向來敢言嘅Mark哥受訪時全程暴走，劈頭就問譚哥有冇去過大富豪，又搞Gag問：「你會唔會帶個仔去搞生日會？」嚇到譚哥滴晒汗呀！
講到日前父親節落區宣傳，譚哥笑認有票房壓力，所以唔止要謝票，仲要「追票」！Mark哥就爆身在加拿大嘅阿女因為時差而忘記父親節，早前失婚嘅佢，又笑談感情狀況係「咪搞喇」，收到晒！
至於喺片中打戲連場嘅Locker同細貓，就話只得3個星期操肌，細貓仲話見到Locker啲腹肌後自愧不如，直頭「我一夜失眠」呀！Locker就大方回應被女友Marf稱為「助手」一事，不但唔介意，仲想有人工收添，識玩喎！
此外，Ben哥笑言可以有姚樂怡做「靚老婆」好開心，仲即席畀呢位靚老婆「催生」添！想知就睇足本訪問啦！
