【Viu】Candy@COLLAR自稱喺球隊「愛晴當入樽」入面係「斜棟擔當」，同時兼顧經理人、球員、學生多職，百忙之中都分配到時間，果然叻女！笑指佢做經理人可以得到晒其他仔仔嘅三圍數字，Candy爆有成員報細數，有啲甚至係虛報添，邊位成員嘅數字令Candy最震驚？
Tsoul就話係「團欺擔當」，但佢唔係被人欺負，反而係佢欺負人？希晉認係「速度擔當」，做咩都夠快！至於亨仔就認係「錯誤擔當」，最明顯嘅錯誤就今日着錯鞋，點解冇着籃球鞋呢？
講到受傷，佢哋一致遞咪畀Tsoul，到底發生了甚麼事？女將Candy多次瞓身搶波唔怕受傷？ROVER為節目創作主題曲《Break The Wall》，更係佢哋首度參與「曲詞編監」，原來肥仔都有參與填詞部分？
另外，COLLAR噚日投下「震撼彈」，宣布嚟緊8月尾喺亞博開騷，Candy開心話知道咗好耐，但一直都忍口冇講，更笑話揀喺Winka生日公布好消息，點解嘅？依家暫定一場，有冇機會加場先？Candy更回應埋《COLLAR以為去度假》入面嘅「指控」，認唔認被指冇手尾、亂擺嘢、成日遲到？想知就去片啦！
