【Viu】ViuTV全新節目《公司逼我打籃球》下星期開波！球隊「愛晴當入樽」10位球員193@ERROR、肥仔@ERROR、Candy@COLLAR、George@P1X3L、亨仔@ROVER、希晉@ROVER、Tsoul、陳安立、Agent L、「旁白君」文卓森霸氣登場！
ROVER更為節目獻出處男「曲詞編監」之作，主題曲《Break The Wall》MV喺今日記招首播，超熱血des！MV當中更不乏佢哋受傷治療畫面，球隊隊長193稱腰傷仲未好返，仍然都係執唔到番梘，不過佢利申唔影響腰力，繼續都係「好男人」！肥仔笑話本身就已經周身傷，醫生畀佢嘅意見係唔好打波？George就被193踢爆打決賽前一晚走去踢波拗柴，佐治又點解畫？
「PUZZ13」趁呢日合體再乘機搲job，過程搞笑又有反高潮，最後竟然變內訌？193甚至直接問George、肥仔份約幾時到期，力邀加盟「三天下」！重提George口誤「波多野結衣」，佢自爆事後有向黃秋生求放過，唔知新節目有冇日本人負責配樂？
三子之前極力爭取飛日本拍第二季，到底成唔成事？佢哋仲透露今次節目都有deep talk環節，deep到193爆埋肥仔着邊款底底，究竟係三角定平角？肥仔近日榮升「P牌仔」，抵死笑稱有揸「碰碰車」天份，順口爆埋阿Dee排隊考車，啱啱上咗第一堂！
193透露7月尾就會出solo歌，至於ERROR新團歌都有眉目，預告到時出歌會齊人宣傳！另外，講到Phoebus「控訴」George、Marco已讀不回佢嘅舞台劇邀請，George又點解釋？P1X3L之間有不和？至於肥仔遲吓會同阿Dee、Jay Fung、陳柏宇、黃妍開音樂會，阿Dee會有唱solo環節？想知就要睇足本訪問啦！
