【Now.com】港產荷里活人氣王Jimmy O. Yang（歐陽萬成）衣錦還鄉，一連五場的紅館棟篤笑圓滿結束，場場爆滿，每場獲7,000觀眾捧場，共吸引35,000人鼎力支持，反應相當熱烈！
Jimmy O. Yang號召力驚人，不少城中名人都有捧場，包括黃子華，許冠文、衛詩雅、劉嘉玲、張艾嘉、尹光、Tyson Yoshi、周汶錡、周秀娜、阿Sa、鄧麗欣、林青霞、金燕玲、蘇施黃、谷德昭、雲浩影、T-Ma、古巨基、湯令山、胡杏兒等等。
繼Jimmy的爸爸媽媽於首場謝幕時一同站台後，許冠傑與「Do姐」鄭裕玲也驚喜現身紅館舞台，掌聲震撼整個紅館。
Jimmy O. Yang為五場紅館Show，特別提早返港攞靈感，盼加入大量本地元素使香港人睇得更加親切，Jimmy還夾雜廣東話及港式粗口，一嘗高呼「山頂嘅朋友你哋好」滋味，他更大開金口，分別哼起羅文金曲《小李飛刀》、尹光的《十四座》及許冠傑代表作《半斤八両》等，到昨晚尾聲，台上又是播出《紅日》KTV，此時Jimmy竟介紹同屬「華仁仔」的李克勤現身舞台，兩人一同合唱《紅日》後，Jimmy坦言非常感動，克勤大讚Jimmy十分親切，加上大家也曾就讀華仁書院，所以份外同聲同氣。克勤笑謂：「我都係叫返你英文名Jimmy好喇，你中文名係歐陽，歐陽係冇問題，但係萬成（曼城）呢…You Know？I’m 曼聯！都冇乜所謂啦，兩隊今年都踢得咁差。」Jimmy聽到時表示：「啊！曼聯，唔好意思。」
克勤透露全家也是Jimmy擁躉，當晚亦帶埋囝囝捧場，Jimmy得悉後就自己太多粗口致歉。兩人於尾場加演「歐陽曼聯」楝篤笑，為五場紅館Show劃上圓滿句號。
