【Viu】Hillary劉沛蘅今晚盛裝出席慈善晚宴，講到啱啱檳城拍《膠戰S4》返嚟，家姐話有機會畀6膠痴埋一齊咁多日好開心，不過行程緊湊，每日都唔多夠瞓！講到被Edan成功拉「入坑」打機，佢承唔承認Edan係王者？家姐又自爆玩遊戲嗰陣撞傷兩隻腳趾，即場爆缸，勁慘慘豬呀！
提到阿正入閘嗰陣被保安誤當fans攔截，家姐笑言一開始都唔知發生咩事，之後見Edan喪笑先知，家姐大爆阿正有唔開心㗎，仲爆埋好姊妹事前已自嘲衣着似路人，點知開口中！Hillary下次會借啲戰衣畀阿正？點知家姐透露原來佢哋之間有個減肥大計，成功嘅話會有咩突破性行動先？
講起阿正沾沾影咗張佢擘大眼瞓覺嘅黑圖，家姐瞓覺真係擘大眼？拍攝期間撞正家姐正日生日，佢笑言當日成日見到5膠密密斟怪怪地，但最後都被爺爺「精湛」嘅演技呃到，堅係又驚又喜！生日願望係快啲拍拖？遲啲同阿正「覆桌」拜姻緣石？
Cloud雲浩影日前借笨豬跳宣布8月開騷好消息，呢日佢爆就係喺麥花臣舉行，唔知會係開幾多場？雲姨做完飛「雲」有冇克服到畏高？跳之前淆底咗幾耐？會唔會考慮同T-Ma嚟個情侶跳？同時Cloud承諾如果開紅館就挑戰skydive、開啟德就玩吞劍，立咗咁多flag會唔會走數㗎？
Jay Fung開心話啱啱同咗法國歌手Joyce Jonathan合唱，唔知Jay喺背法文歌詞嗰陣，使唔使出動Jay星文？佢又講到讀書嗰陣有位法籍女同學，聽對方講法文好sexy，嗰陣係咪暗戀人？另外，佢遲吓會同兩位「錯仔」肥仔、阿Dee加陳柏宇、黃妍開兩場音樂會，揀好歌未先？想知嘅話就要睇訪問啦！
