【Viu】由古天樂、周秀娜同台灣型男劉冠廷主演嘅電影《私家偵探》噚日正式上映，古生親解邀請劉冠廷合作嘅原因，原來係因為睇咗對方喺《陽光普照》嘅精彩演出，仲即席大晒普通話幫冠廷做翻譯，Daddy真係好暖男呀！
至於劉冠廷就憶述第一次同古生見面時有幾緊張，小手簡直無處安放，熟絡咗之後就發現古生so funny，而且一場泳池打鬥戲仲幫咗自己好多添，笑言想自薦再同古生拍動作戲，事關自己都係《九龍城寨之圍城》嘅「龍捲風」Fans！同古生飾演夫妻嘅娜姐，最難忘就係公路鬧交戲，鬧到聲都沙埋，又笑言想成就解鎖同古生合作歌舞片，喂！有得諗喎！
既然新片以私家偵探做主題，古生又最想搵偵探查啲乜呢？小編相信全港巿民都好想Check吓㗎！想知就睇訪問啦！
