【2025年6月10日】任達華同張繼聰兩位「型男爸爸」今日出席汽車活動，阿聰坦言同殿堂級前輩華哥同場係「成就解鎖」，條腰見到對方識自動彎低嗰款，如果可以合作拍戲就Fat Fat喇！阿聰仲話好仰慕華哥Keep得咁好，但係就唔敢請教對方每晚11點做緊乜喇！
講起揸車，阿聰當然滔滔不絕，除咗分享「好老公x好爸爸」揸車大法外，仲介紹「泊車天使」畀大家識，仲搞Gag自爆同「老Best」白只齊齊戒煙，令佢哋同Kay嘅「三人行」時光更加完美，笑屎呀！
至於華哥亦大讚阿聰係好演員，希望有機會合作，仲笑言最好11點後先開工咁話，相當玩得！講到早前喺新加坡朝聖Lady Gaga演唱會，被網友偷拍吸煙照，華哥就澄清該區係合法吸煙區，亦唔會嬲偷拍者。
另外，問到曾經短期出家修行嘅李日朗，宣布退出娛樂圈，仲控訴舊公司冷待當年由阿聰作曲嘅《榕樹》，阿聰亦大方回應，想知更多就睇足本訪問啦！
