【Viu】古天樂、周秀娜、劉冠廷、楊偲泳、黃浩然今晚現身電影《私家偵探》首映禮,冠廷喺台上話同香港團隊合作係一個里程碑,指團隊好團結、做嘢好利落,放假都會討論拍攝令佢覺得好感動,古天樂就表示應該同多啲唔同地方嘅演員合作!唔知冠廷喺呢次合作後,又學識咗邊啲廣東話?
娜姐話雖然同冠廷得好少對手戲,但最深刻係有幕見到對方覺得好恐怖!相反就可以喺戲中喪追古天樂嚟鬧,有冇把握機會鬧多兩錢肉緊?
最近又有戲院輪住宣布結業,古天樂話有好多原因導致結業,並非直接關電影事,未知電影業喺下半年嘅情況有冇改善?古天樂同Google合作,公開《明日戰記》x《尋秦記》AI生成片,既然AI出現已經係改不了嘅事實,所以古天樂話應多了解AI、唔好抗拒,又指呢項技術普及化,但唔會係取代。
提起古天樂為林峯嘅尾場紅館騷嘉賓,佢話當晚好high,對張繼聰笑指佢個造型係「香港隊長」,古天樂又點睇?林峯事後爆佢超鍾意唱K,古天樂又認唔認先,更爆埋原先冇諗住做嘉賓?
如今「櫈舞」已成佳話,古天樂都高呼好正,更提議林峯下次可以挑戰其他款櫈添!其實當晚有fans舉牌寫「古天樂表櫈」,古天樂見到秒調頭走,點解嘅?另外,受眼疾困擾多時嘅古天樂,終表示8月尾會做手術,仲笑話可以即刻復工,唔使休息,咁堅?想知點解就睇足本訪問啦!
足本訪問: 古天樂唔認鍾意唱K 爆笑提議林峯挑戰跳其他櫈 AI技術普及化 直接影響電影產業? 終決定8月尾做眼手術 翌日即復工咁堅? 劉冠廷讚香港團隊勁有效率 入戲太深嚇窒周秀娜