【Viu】張敬軒今日出席摩天輪慶祝活動，即席抽出一名幸運Fans「共處一室」，笑言如果對方太進擊會嗌唔好！至於同「澱粉們」嘅5月之約，軒公話今年嘅心靈講座越搞越大，新一波仲會以「水豚」為主題，希望大家Chill住過生活，仲推舉「皇后」王菀之做「娛樂圈水豚」，又話要捉埋成日喺網上同人嘈交嘅Tyson去聽Talk，呢啲咪好兄弟囉！
講到Tyson今次嘅演唱會冇搞實名制，因而令佢又同網友嘈交，軒公深明實名制就算連大公司都難搞，更何況係獨立音樂人，又笑指同Tyson合作新歌時，自覺似「長者」，備受關愛，仲第一次目擊Tyson爆喊，取笑對方：「咪睇佢大大隻，其實老襯底！」軒公直言未必會做Tyson個唱嘉賓，反而會做好友嘅婚禮嘉賓，仲諗定送咩畀Christy「鎖住」大隻老公，創意十足呀！
此外，軒公親回老闆楊受成想簽老友林家謙入英皇一事，連江湖傳聞嘅內地騷都答埋，想睇「軒公開庫」就睇足本訪問啦！
