【Viu】殿堂級影帝許冠文（Michael）今日獲香港恒生大學頒授榮譽社會科學博士學位，除咗太太鄭潔英現身支持外，原來Michael San仲帶埋準備升讀大學嘅孫仔孫女嚟參觀校園，但係唔想高調現身，仲話佢哋對電影興趣不大添！
講到教授喺台上細數Michael San嘅銀色旅途，有冇邊Part最感觸？佢直言電影影響自己一生，例如成長時受《七俠蕩寇誌》嘅尤·伯連納啟蒙；《破．地獄》亦解答咗自己苦思咗多年嘅「人生的意義」，所以覺得人生好似三文魚，無論幾艱難逆流而上，都係要返去「心之所屬」嘅地方。
對於早前失落金像影帝，Michael San絕對冇失望，事關當下就係人生最美好嘅風景，亦恭喜「仔女」衛詩雅同朱栢康獲獎，大讚佢哋嘅演技嚇死人！
最後Michael San當然要鼓勵一下所有香港電影工作者，仲以「煮餸」嚟做比喻，仲講埋幾時「親自下廚」畀子華神食添！想知就睇足本訪問啦！
