【Viu】由Dicky張衞健、許志安、蘇永康同Edmond梁漢文組成嘅BIG FOUR，將於8月重返紅館舉行三場演唱會，今日仲合體到商台宣傳新歌《赤子們》，訪問時仲大放笑彈，默契依舊！
今次相隔12年再開騷，Dicky笑言未必係最後一次，但又唔知幾時再有下一次，呼籲大家睇得一場得場。笑問會否重現大絕「蜈蚣彈」呢？三子就提議Dicky加碼，實行嚟個「蜈蚣彈」x「林峯櫈」x「學友筋」，估唔到Dicky唔止冇拒絕，仲揚言要用剩餘嘅兩個月時間苦練「三大絕」添！聽聽吓，Edmond都唔執輸話要齊齊著三點式登場，真係搵食艱難㗎！咦？咁安仔又會唔會再騷肌呢？佢就有保留喇！
此外，對於有指今次紅館檔期係爭贏楊千嬅同謝安琪，BIG FOUR就話全靠一男子，想笑餐飽就睇足本訪問啦！
