【Viu】Kaho洪嘉豪呢晚孖JACE陳凱詠主持音樂盛典，更係Kaho首次擔任MC，一嚟就沾沾自評90高分，睇嚟佢好滿意自己嘅表現喎！但老Best陳蕾就好似有啲微言，「投訴」Kaho自肥，喺某一環節被對方呃咗，反咗個超大嘅白眼！唔知蕾子有冇興趣孖Kaho做MC？定抑或搵MC張天賦做partner？如果Kaho被邀請任全英主持又敢唔敢？
對MC自爆着長裙冇打底，蕾子一秒O晒嘴，佢更揚言着長裙值得唔打底，點知下一秒望到自己着住條長裙又點兜？Kaho又應唔應承MC同林峯一齊組男團「熱帶水族館」battle「櫈舞」？當MC自認係「鹹魚」，Kaho就自認係「死魚」？
蕾子終於返家鄉廣州開騷，可以表演畀親朋戚友睇就梗係勁開心啦！佢預告rundown會有調整，有機會唱新歌《求救的勇氣》，新歌係舊愛Mike Orange負責編曲兼監製，算係分手後嘅首次合作？分手後有keep住聯絡？邊個提出合作idea？又有冇機會復合？
講到Eason愛囡「包包」陳康堤加盟華納，蕾子大爆同包包首次見面就係簽約當日，最後仲突入埋高層群同包包影咗張大合照，蕾子講返件事都百思不得其解，Kaho秒問：「你有冇化妝？」蕾子又點答？究竟包包認唔認得佢？
同場嘅YT周殷廷日前現身大球場為曼聯大戰香港隊賽事擔任表演嘉賓，話喺雨中對住全場3萬幾人演唱感覺好正、好浪漫，但都有啲緊張，因為事前係冇得rehearsal！講到有網民指佢係熱刺球迷呢個身份有啲尷尬，YT又點回應？佢有冇同啲球星集郵？另外，有傳鄭欣宜已加盟環球唱片，快將復出，YT又收唔收到風？想知就睇足本訪問啦！
