【Viu】MC張天賦今晚出活動獻出着裙初體驗，大叫好涼爽又勁舒服，同埋最重要嘅point係好顯瘦呀！佢大膽話冇打底，怕唔怕「小賦賦」走光㗎？又會唔會推薦老best洪嘉豪着裙？
提到佢為林峯紅館騷擔任嘉賓，即場表演「櫈舞」成佳話，MC利申唔係事前夾好㗎，最後焗住要使出「一式半招」，咁件事嘅來龍去脈係點？MC敢唔敢翻睇條跳舞片？佢笑話以初學嚟講，嗰個柔軟程度係同鹹魚比得上，又抵死形容其實嗰個「彈跳力」係等同於「掙扎」，呢段bite真係笑死無命賠！Tim@Dear Jane亦有施展「櫈舞」絕技，MC又覺得Tim跳成點？
隨後MC提議全華納男歌手應該一齊同林峯「切磋」，仲勁有效率諗埋個男團名添，真係幾時都話MC有才華呀！全男班會唔會喺華納family騷澳門站反串跳《886》？
MC呢期變「嘉賓王」，唔止為林峯站台，仲有同JJ合唱！佢自爆喺rehearsal走音，唔知有冇乘機搲同JJ合作？另外，Eason陳奕迅愛囡陳康堤confirm加盟華納，MC遲下有機會同小師妹合作？挑戰跳唱？想聽MC點答就即刻睇足本訪問啦！
