【Viu】謝君豪、Edan呂爵安、練美娟、Fish廖子妤同栢天男等今日出席新劇《光明大押》記者會，鬼馬嘅Edan仲用5蚊嚟典當娟姐「下半生」，嚇到「二叔公」豪哥都唔敢收，笑爆全場！
Edan大讚今次拍劇好玩，可以揸名貴跑車，仲沾沾咁讚自己嘅西裝Look好靚仔！講到佢喺《呂濤米Lo Seoul》同花姐嘅Deep Talk傾到眼濕濕，Edan笑言估唔到自己會咁，又澄清想攞男歌手金獎一事只係講笑，自覺未夠班咁話！至於Jeremy喺節目中憶述當年「登神」走紅後，自覺同佢哋有距離，原來Edan完全唔覺㗎，仲爆大家做「運動」時，Jeremy都冇鬆章，照贏晒大家啲錢，其後又正經咁話同米米會繼續並肩前行，係一世嘅朋友，so sweet！
此外，Fish喺劇中嘅黑絲Look備受網友熱捧，佢原本唔想著絲襪㗎，又開心share同Edan有咩親密戲，「大戰」咗幾百回合㗎！豪哥就解釋唔敢接受娟姐「下半生」嘅原因，聽落都有道理嘅，想知就睇足本訪問啦！
