【Viu】繼續睇林峯紅館騷尾場實況！輪到每晚嘅固定嘉賓周秀娜出場同阿峯跳《Let’s Get Wet》，娜姐呢尾對眼叉足電，一升上舞台唔止起勢使出電眼大絕電暈全場觀眾，更一嚟就解開皮褸「解放」Big爆心形胸，提早派福利，尾場果然唔惹少！跳到最後娜姐仲索性除埋件皮褸，咁火辣你哋頂唔頂得順？
去到Encore位，阿峯帶嚟dance medley 《熱能放送》、《Heart Attack》、《Nice》，盡情同fans跳爆紅館，氣氛勁正呀！期間阿峯唔小心踩到紙碎險跣親，好彩佢手腳夠敏捷冇事！臨落台前，阿峯透露演唱會會走Tour好消息，更帶埋成班dancers走勻四面向fans鞠躬答謝兼say goodbye，一連七場紅館騷順利完成！
