【Viu】索媽Kary吳雨霏今日大晒香肩靚靚出event，先講起日前佢為Sammi鄭秀文嘅澳門騷擔任嘉賓，引嚟極大迴響，Kary笑話聽到呼喚佢復出嘅聲音愈嚟愈大，咁幾時先順應民意復出呀？另外，Kary喺去年聖誕節曾受訪透露錄緊音，小編梗係有幫大家「追數」啦，Kary又點回應？Kary順帶爆收到唔少合作邀約，而佢自己就睇中一男子想crossover，仲大讚對方唱功勁添！
Kary又話自Sammi騷後把聲都未好返，當晚係靠打開聲針開返把聲，所以話唱到歌都好神奇！佢又指事隔7年再唱《我本人》好感觸，啲回憶返晒嚟！至於講返Stephy鄧麗欣嘅紅館騷尾場，Cookies 7女驚喜同台，Kary笑話因第二朝要早起身，所以就冇去慶功，有網民笑指將Cookies齊人合體呢個願望留Kary開騷實現，想知Kary應唔應承就即刻去睇足本訪問！
