【Viu】羅力威自前年約滿舊公司後就變樂壇「失蹤人士」，直到最近佢終於「上水」啦，更係事隔5年再出歌，重踏樂壇頭炮作《悠揚一曲》！但先講返轉頭，究竟羅力威喺「消失」嘅嗰段時間去咗邊？又做咗啲咩？驚唔驚「潛水」咁耐會脫粉㗎？講到呢part，羅力威竟然反爆返fans秘密添！
今次新歌邀請咗一位「重量級」女嘉賓獻靚聲，就係羅力威嘅4歲愛囡Harper啦！佢甚至話之所以決定再出歌，係全靠Harper撻着返佢，係邊句說話咁有威力？佢又支唔支持Harper入行？
當年羅力威參加《亞洲星光大道》獲「冠軍王」封號，最後贏埋冠軍返嚟後，更喺出道年橫掃新人獎，再之後出碟、開騷輪住嚟，回望返嗰段高光時刻，依家嘅羅力威有咩感受？嚟緊又有咩出歌大計？即刻將時間交畀羅力威！
