【Viu】「院長」洪嘉豪今日現身商場舉行簽唱會，同「院友」大玩遊戲兼唱電台冠軍歌《閃光》加《跟你分擔失落比較快樂》，院友更準備咗個蛋糕同Kaho慶祝入行7周年！笑問會唔會簽fans心口？Kaho秒答唔好啦，但求可以有多啲時間同院友互動！佢又話到依家呢個moment都仲未翻睇返自己個紅館騷，究竟係咩令佢咁不堪回首？嚟緊佛山場有咩surprise畀院友？
日前佢就為Sammi鄭秀文嘅澳門騷擔任嘉賓，Kaho話受邀嗰刻係感到不可思議，可以用成就解鎖嚟形容添呀！Kaho講到下個想合作嘅歌手之一就係Eason，咦！咁啱Eason愛女「包包」陳康堤被確認加盟華納，同Eason合作前先同師妹crossover？
華納Family騷8月喺澳門舉行，Kaho話預視到一定好好玩，又提議男、女子組交換跳舞，咁咪即係男子組跳《886》？Kaho遲吓首次參與沙灘騷，準備好條三角泳褲上台未？一秒拒絕嘅Kaho跟手推薦咗其中一位華納男歌手着泳褲，究竟係邊個？定男子組齊齊喺Family騷着泳褲跳《886》？另外，Kaho將孖JACE主持某音樂平台嘅頒獎禮，準備成點？睇足本訪問可以清楚晒Kaho嚟緊嘅動向！
