【Viu】「城寨二少」Tony胡子彤、German張文傑孖「王九」Philip伍允龍，今日出席「九龍城寨光影之旅」開幕禮！三子起勢呼籲大家嚟參觀，事關呢度有冷氣，夏日炎炎聽到呢兩個字勁爽！
Tony噚晚有去睇林峯頭場紅館騷，特別講到佢睇阿峯跳舞嗰陣喺台邊忘我喪wave，Tony笑話係阿峯鼓勵佢跳舞，引咗佢個跳舞靈魂出嚟呀！將會做嘉賓嘅Tony係咪順便去視察環境？到時會唔會同阿峯Let’s get wet？Philip自爆會27號去，而Tony同German就猛咁話今晚會好精彩、好墟冚，莫非就係佢哋做嘉賓？
林峯個騷加插咗幾段「風暴消息」，Tony、German、Philip均有客串演出！其中Tony、German扮學生哥，Tony更神還原學生O嘴畫面，引全場發笑！至於Philip就扮喺颱風之下受訪，堅係一take pass？隨後提及林峯喺較早前上電台受訪透露下年開拍《龍頭》，問到三子係咪真有此事嗰陣，撻着咗佢哋嘅扮傻mode，真係畀佢哋笑死！
講到German間動作演員學校日前宣布結業後三日奇蹟「復活」，German直言係feel到愛呀，當中發生過甚麼事？此外，見German出放負story話依家係人生最迷惘嘅階段，原來係因為16歲愛犬啱啱離開咗，講講吓佢仲話驚喊出嚟！另一邊廂，Philip喺主題公園被網民野生捕獲，身旁仲有位女子添，唔通Philip出pool？係咪女朋友嚟嘅先？即刻click入足本訪問聽當事人點講啦！
