【2025年5月14日】樂隊Dear Jane一連四場20周年紅館騷話咁快就嚟到尾場啦！Tim@DJ老婆Rabeea繼續帶埋一對仔女芯哥、Tanya嚟撐場，芯哥仲專登帶埋佢支新結他出嚟添，so cute cute呀！同場仲有Tyson Yoshi、Serrini、Jeffrey、謝寧等！
尾場嘅氣氛堅係寧舍唔同㗎，全場fans嗌破喉嚨一齊大合唱！「NJ孖寶」Nice、Jackal出動雙鼓合唱《友情歲月》，good job bro！之後四子再交換樂器玩帶嚟《草戒指》，個個都係才子，又點會考到佢哋呀？而尾場嘅kiss cam重點就落喺準夫婦Tyson、Christy度啦！嘩！呢個「閃光彈」勁震撼呀！
小編敢講DJ大把正歌，《銀河修理員》真係倒轉都識唱！喺唱「愛情四部曲」頭炮歌《哪裡只得我共你》前，大螢幕播出MV主角「高小曼」袁澧林、「陳浩然」胡卓希各自嘅讀白，加埋啲MV片段，成個系列嘅回憶即刻返晒嚟呀！即刻去睇實況片！
