【Viu】吳文忻、李龍基、胡家惠、敖嘉年、喬寶寶今日出席母親節活動，吳文忻帶同兩位囡囡Scarlet、Season齊齊表演新歌《Bald Mommy Bold Mommy》，發放正能量！文忻早前透露癌細胞已擴散至尾龍骨，變咗乳癌第四期，做完電療後腰骨痛到坐立難安，好彩臨近表演就好返8成，加上今日面色唔錯，已經好感恩！文忻大讚兩個女生性，媽咪唔舒服時會幫手拎嘢，而今次為咗表演專誠去排舞，已經係最好嘅母親節禮物，仲預告會為新歌拍MV，希望衝出香港咁話！講到因為分享抗癌經歷而被網友抨擊，文忻都話係第一次面對呢啲情況，就當係訓練強心臟，相當正面！
至於李龍基就透露未婚妻Chris將於7月頭出冊，自己正喺珠海物色愛巢，等Chris出嚟就可以住。咁說好的一定會娶Chris，基哥話卜唔會走數，但兩人決定一切從簡，仲笑言拎條橡筋仔當求婚戒指就得。嘩要唔要添返個「李龍兒」呢？基哥就咁講喎！
想知「皇上」要唔要喜添麟兒？吳文忻有幾堅強抗病？胡家惠兩個女選唔選港姐？睇足本訪問就知啦！
