【Viu】由朱栢康、芯駖@COLLAR、麥沛東等主演嘅舞台劇《你好，打劫！Reunion》噚晚首演，吸引咗群星撐場，包括林海峰 、MIRROR成員Lokman、Stanley、Jeremy同Alton，Dee@ERROR、衛詩雅、余香凝夫婦、盧鎮業、廖子妤 、李佳芯等。
出品人劉德華更驚喜現身上台謝幕，本尊仲親自向MIRROR 4子同Dee哥收集意見，Alton笑言：「早知劉生喺度，我就化行啲個妝！」Lokman就表示睇得極投入，幾乎衝口而出回應台上演員嘅對話。其間華仔亦不斷鼓勵幾位後輩：「你哋有咁多舞台經驗，演舞台劇一定冇問題！」出名轉數快嘅Dee哥即搶答：「呢個一定要認，絕對冇問題，我們好ready！」想睇多啲劉華同班後生完全冇代溝？《破·地獄》兄妹檔朱康同衛詩雅又有幾興奮？快啲入嚟睇現場實況片啦！
