【Viu】古天樂今日現身化妝品牌新店開張活動，吸引唔少「仔女」撐場大叫「Daddy」！古仔喺做訪問前更上前幫fans簽名，超級寵粉呀！佢笑言因為鍾意曬太陽，膚色深所以難搵粉底用，又幽默自嘲長期都化住個「包公妝」添！笑提劉嘉玲喺金像獎抵死問佢係咪皮膚黑會襟老啲，古仔又點神回？唔知古仔係咪貪靚之人？喺護膚上又有啲咩tips可以畀到大家？
新店係以懷舊戲院做主題，古仔話絕對係兒時嘅回憶，令佢諗返起細個睇戲會買蔗入去邊食邊睇戲，又講到見有戲院可以打埋邊爐，佢又buy唔buy呢？
古仔透露嚟緊就會飛去參加康城影展，唔知佢見到邊位偶像會集郵？而即將母親節，出名孝順嘅古仔話會同媽咪食飯，仲會準備埋花添！另外，美國總統特朗普日前稱向所有非美製電影徵收100%關稅，古仔話等政策真係推行先再討論，唔好靠估，但如果真係推行嘅話，實質影響又大唔大？想知就睇足本訪問啦！
